"ကၠောန်ကမၠောန်ဂကောံမ္ဂး အဃောကၠောန်ကမၠောန်လ္ပသုၚ်အရက်ညိ၊ တုဲတှ်ေလ္ပကဵုဖျုန်ကဵုကိစ္စညးဗြဴညိ၊၊ ကၠောန်ကမၠောန်အာစိုပ်ဒတုဲမ္ဂး သောၚ်စရၚ်ချိုတ်တ်ပၠိုတ်တ်ညိ" ဂလာန်ရဴဝွံအပ္ဍဲပေါဲဟီုတွံ ပရေၚ်လိက်မန်ဂှ် အ္စာကၞေဟ်လေဝ်ဒှ်၊ အ္စာဝၚ်လေဝ်ဒှ် နာဲမၞိက်ၜို်ပ်(ကော်)နာဲမိုၚ်တိုဝ် ဟီုဏါရ၊၊ သ္ဘၚ်ပေါဲဟီုတွံ ပရေၚ်လိက်ပတ်မန်ဝွံ ကၠောန်ဗဒှ်အလန်ပထမ လ္တူဍုၚ် ကွာလာလာမ်ပူ ကၠောန်ဗဒှ်ဒၞာဲၝောံခန် (Chinese Assembly Hall) အပ္ဍဲစၟတ်တ္ၚဲ (၂၈) ဂိတုအံက်တဝ်ဗါ သၞာံ ၂၀၁၂ လဒေါဝ်တ္ၚဲ (၁၂:၂၈) ဂှ်စဵုကဵုစိုပ် သဝ်တ္ၚဲ (၆:၀၀) နာဍဳရ။ ညးဆာန်လိက်ပတ် သၟာကမၠောန်ဂကူမန် (၄၀၀) တၠပြၚ်တိုန်စိုပ်ကၠုၚ်ရ။ "ပၟတ်ဖဴယာဲၜံၚ် ကလေၚ်ကဵုရံၚ်ကဵုညာတ်" ဗီုဂလာန်အရေဝ်တမၠာဟီု ကောန်ဂကူမန်ပိုဲကၠောန်ပရေၚ်ပိုန်ဒြပ် ကလိဂွံပိုန်ဒြပ်တုဲ ဒးလေၚ်စဴမိတိမရောၚ် ပ္ဍဲဍုၚ်မိတိမတေံ ဂကူဗၟာအညာကောံလုပ်ကၠောန်ကမၠောန် အပ္ဍဲဍုၚ်မန်ဂၠိုၚ်တိုန်ဒၟံၚ်ဇၟာပ်သၞာံရောၚ် ဟိုတ်ဂှ်ရ လ္ပဝိုတ်ဌာန်တိုပ်သုက်ဇကုညိ" ရဴဝွံနာဲမၞိက်ၜိုပ် ကသေအ်ကၟဝ်ဒၟံၚ်ဂကူမန်တအ်ရ။ အ္စာမၞိက်ၜိုပ် ဟီုတွံတုဲ မွဲအဆက်ဂှ် နာဲဗညာသာန် ကေုာံ အ္စာဇၞူမန် အဆက်က်ဟီုတွံလဝ်ရောၚ် ဂွံတီကေတ်ရ။
0 comments :
Post a Comment