တ္ၚဲသၟတ်မန် အလန်တတိယ ဍုၚ်မလေဝ်ယှာ
က္ဍိုပ်သ္ကိုပ်ဂမၠိုၚ် လ္တူကမၠောန်ချဳဓရာၚ်ဂကူ ညံၚ်ဟွံဂွံသ္ပလဝ်မဇ္ဇုဟ် ကုသၟတ်တံ(ဝါ) ခေတ်တ္ၚဲဏံ သၟတ်တံလေဝ် သာသ္ပအ်မံၚ်ဟွံထေက်ရပုဟ် နာဲရတ်ပံၚ်ဟီု
ဗီုပြၚ်ဂကူပဠောံ ကေုာံ သာ်အရံၚ်ပဠောံ
ဂကောံသၟတ်မန်-တိဍာ်ဗၠးၜး သ္ကုတ်မလေဝ်ယှာ သၞာံ ၂၀၁၄
လိက်လၟေၚ်ဗညာဓရာံ
လိက်လၟေၚ်ဗညာဓရာံ (၂)ဂိတုမွဲဝါ တြးပ္တိတ်နူဂကောံသၟတ်မန်-တိဍာ်ဗၠးၜး
သဘၚ်ကောံဓရီုဇၞော် သၟတ်မန်- အလန်ပထမ ဍုၚ်မတ်မလီု
စၟတ်တ္ၚဲ ၁/၂/၃/၅/၂၀၁၄
လလောၚ်တြးနာနာ
ဂျာနေဝ် "လၟေၚ်ၜိုပ်ၜါ"
Wednesday, November 28, 2012
ဘာမန် KL ကၠောန်သ္ဘၚ်လလးက္ထိုန်
Sunday, November 25, 2012
တၚ်သၟာန်သှ်ေသၟေဟ်နူပေါဲဟီုတွံတေံ(ပ္ဍဲရုၚ်ဟံၚ်ပြာ်မန်)
(ဂြိုၚ်ဂအီ) လေပ်တုဲ ကုညးမတိုန်စို်ပ်ဗၞတ် (၂၀) တၠပြၚ်ၚ်တအ် ဒးကအ်ဂြိုၚ်ဂအီအိုတ်ရ၊ ပေါဲဆဵုဂဗသၟာန်သှ်ဝွံ နူလဒေါဝ် ၁၂:၃၀ စဵုစို်ပ် ၀၄:၀၀ တုဲ ဒှ်ဂုဏ်ပြဲသွက်ဂကူမန် မၞုံဍုၚ်မလေဝ်သျှာ ဇၞော်ကဵုဇြဟတ်ရောၚ်၊ ညးတိုန်စို်ပ်မွဲတၠဟီုထ္ၜးဂှ် ဂွံတီကေတ်ရ။
ကောံဓရီုကာမံက်တိုန် ဂကောံသၟတ်မန်-တိဍာ်ဗၠးၜး သ္ကုတ်မလေဝ်သျှာ
Saturday, November 24, 2012
ကောံဓရီုကမ္မတဳကၠောန်ဗဒှ် တ္ၚဲကောန်ဂကူမန် မရနုက်ကဵု ၆၆ ဝါ (အလန်ဒုတိယ) ဍုၚ်မလေဝ်ယှာ
ပ္ဍဲစၟတ်တ္ၚဲ ၁၈-၁၁-၂၀၁၂ ဝွံကော်ကောံဓရီုကမ္မတဳကၠော န်ဗဒှ်တ္ၚဲကောန်ဂကူမန် မရနုက်ကဵု ၆၆ ဝါ အလန်ဒုတိယ သ္ကုတ်မလေဝ်ယှာ ဏံမဒှ်ကီု်ရ၊ ပ္ဍဲကောံဓရီုဂှ်ဝွံ နယက နာဲသဵုညောအ်၊ ဥက္ကဌ နာဲအကးပေၚ်၊ ဒုဥက္ကဌ နာဲသာၚ်ဝဏ္ဏ၊ညးအုပ်ကာ နာဲဥက္ကာ၊နာဲကျေဝ်ထဝ် ညးနွံတာလျိုၚ်သီုဖအိုတ် ဂကောံကွာန်နာနာတံကီု တိုန်စိုပ်ကၠုၚ် ဂွံတီကေတ်ရ၊ ပ္ဍဲကောံဓရီုဝွံ ဂွံလဝ်တၚ်သ္ဂုတ်သွာတ်ဂမၠိုၚ်-
၁။ တဆိပ်ပဠောံ လ္ပာ်လက္ကရဴ ဒၞာဲလိုန်လဝ်ဂှ် ဒှ်မံၚ် “မန်” ပတိတ်တုဲစုတ် “တိ” ရောၚ်။
၂။ တဆိပ်ပဠောံ လ္ပာ်ဂတးမုက် “တ္ၚဲဂကူမန်” ဂှ် ထပ်စုတ် “ကောန်” တုဲ “တ္ၚဲကောန်ဂကူမန်” ရောၚ်။
၃။ ပုၚ် သွ အပ္ဍဲကောန်ဂကူမန် ၆၆ ဝါ တေံဂှ် “သွံ” ရောၚ်။
၄။ ပစၞးကဵုဂကောံတုဲ မပ္တံကဵုဂကောံကွာန် မွဲဂကောံမ္ဂး သ္ဒးစုတ်သြန် သွက်တ္ၚဲကောန်ဂကူမန် ၆၆ ဝါဏံ အောန်အိုတ် ၂၀၀ ရေန်ဂေတ် ရောၚ်။
၅။ နူကဵု ကမ္မတဳကၠောန်ဗဒှ်တ္ၚဲကောန်ဂကူမန် ၆၆ ဝါဏံ ကၠောန်လိက်သ္ကုတ်ဒုၚ်ဒါန်တုဲ ဗက်ဒုၚ်ဒါန်ရောၚ်။
၆။ ၂-၁၂-၂၀၁၂ တေံမ္ဂး ကၠောန်ဗဒှ် တ္ၚဲကောန်ဓရီုပေါဲပြိုၚ်ဇြဟတ်ရောၚ်။
၇။ အရၚ်အခန်ကၞာဂှ် ကၠောန်မလိက်ကဵု “ဖအ်” တုဲ ဒုၚ် Background ကဵုယာတ်ရောၚ်။
၈။ ကမ္မတဳကၠောန်ဗဒှ် တ္ၚဲကောန်ဂကူမန် ၆၆ ဝါဏံ ကော်နၚ် သၟာဂဳတ နူကဵုဍုၚ်မန်တေံ ပွတၠရောၚ်။(သူရိယမာန်၊အဂ္ဂ၊သက္က)
၉။ ကောံဓရီု် ကမ္မတဳကၠောန်ဗဒှ်တ္ၚဲကောန်ဂကူမန် ၆၆ ဝါ အလနတ်တိယ ပ္ဍဲစၟတ်တ္ၚဲ ၂-၁၂-၂၀၁၂ တေံကၠောန်ဗဒှ်အာရောၚ် ဂွံတီကေတ်ရ။
Friday, November 23, 2012
သမတ အဵုၜါမာ စိုပ်ဍုၚ်ဗၟာ
“ဟိုတ်နူအမေရိကာန်တအ် နွံဓရ်ပတှေ်လတူ ဂုဏ်သိက္ခာမၞိဟ်တုဲဟေၚ် နကဵုအဲ ကၠုၚ်စိုပ် လုပ်ဝေၚ်ကၟိန်ဍုၚ်ဝွံရောၚ်။ ပိုဲတအ် ၜါဍုၚ်ဂှ် သၞာံအခါ ဂၠိုၚ်ကဵုစှော်သၞာံ ဒှ်ဒၟံၚ် ညံၚ်ရဴ တၞဟ်ခြာတုဲ ဟွံတီ ညးသကအ်။ ဆဂး လတူညးဍုၚ်ကွာန် ဍုၚ်ဏအ်ဂှ် နကဵုအဲတီညာတ်ဒၟံၚ်တုဲ စၟဳစမံၚ် လၟိုန်ကာလရ။ ကောန်ဍုၚ်ကောန်ကွာန် ဍုၚ်ဗၟာတအ်ဂှ် ပိုဲတအ် ဂွံစၟဳစ မွဲမွဲသာ်ဂှ် ကဵုဒၟံၚ်လၟိုန် အဲကေၚ်ဆဵု ကေၚ်သမ္တီလဝ်ရ။ ပ္ဍဲကဵုဇၟာပ်ပ် တ္ၚဲအဒိုတ်ဂှ်တှေ် ညးမတက်လဝ် ပလောံဗုတအ် အာဝေၚ်ကဵုဒြဟတ် ကဵုအိန်ထံၚ် ညးမဒးလဝ်ထံၚ် ဟိုတ်နူကဵုကၠောန်ပရေၚ်ဍုၚ်ကွာန်ဂှ် အဲကေၚ်ဆဵုရ။ ခမဳသၚ်တအ် တိတ်လတူဂၠံၚ် ထ္ၜးဆန္ဒ ဗွဲမၜိုဟ်သြိုဟ်ဂှ်လေဝ် အဲကေၚ်ဆဵုကီုရ။ အဃောဒးဘဲ လဗိုတ်ကျာ ‘နာဂေတ်’ ဂှ်လေဝ် ညးဍုၚ်ကွာန်တအ် ပကောံဒြဟတ်ညးသကအ်တုဲ ရီုဗၚ်ညးသကအ်ဂှ် ပိုဲတအ် ဂွံဆဵုကေတ်ရ။ ပိုဲတအ် ဂွံတီကေတ်ရ။ ညးဒယှေ်ဒွက် ‘ဟေပ်ဟပ်’ တအ်လေဝ် နကဵုရမျာၚ်စၟဳကေတ်လဝ် ပရေၚ်သၠးပွးကီု၊ ရမျာၚ်ကွးဘာတအ် မိက်ဂွံကလိဂွံပရေၚ်သၠးပွးကီု ဂွံမိၚ်ကေတ်ရ။ မွဲအခိၚ်ဓဝ် ညးဒဒိုက် ပ္ဍဲကဵုဒေသပယျဵုတအ်ဂှ် ကေတ်မံၚ်အဆက် ကုကလောဝံသညးတအ်ကီု ညးပြံၚ်ပဆုဲအာ ပ္ဍဲကဵုဍုၚ်မ္ၚးတအ်လေဝ် ဟီုဂးမံၚ် သွက်ပရေၚ်ပြံၚ်သၠာဲကီု ပိုဲတအ် ဂွံမိၚ်ကေတ် အိုဿီုရ။ ဟိုတ်နူကဵု ဒြဟတ်ဆန္ဒ ‘ဒဝ်အံၚ်သာန်သုကျဳ’ တုဲ ပိုဲတအ် ဂွံဒြဟတ်စိုတ်၊ မၞိဟ် ၜိုန်ရ ဒးမံၚ်ထံၚ်ကၠာလေဝ် ဂြိုဟ်ညးဂှ် ပၠုပ်လဝ်ထံၚ် ဟွံဂွံပုဟ်ဂှ် ‘ဒဝ်အံၚ်သာန်သုကျဳ’ ထ္ၜးသက်သဳရ။ ကာလ အဲဒှ်မံၚ်သမတဂှ်တှေ် ကဵုတၠအဝဵု ညးမအုပ်ဓုပ်လဝ်ဍုၚ် ဗွဲမဖေက်ဂၟံက်တအ်ဂှ် အဲဟီုမံၚ်လၟိုန်ရ။ ‘ယဝ်ရ ဇကုတအ် ပလးပတိတ် သတ်တဲ ဇကုတအ်ဏောၚ် ဟီုတှေ် သွက်ဂွံဒုၚ်တၠုၚ်ဇကုတအ်ဂှ် အဲဒုၚ်ကဵုတဲ လၟိုန်ရ။ လောန်ကၠုၚ် ဗၞတ် (၁) သၞာံဘာ်တေံ ဟီုတှေ် ပရေၚ်မပြံၚ်သၠာဲ မကတဵုဒၟံၚ် ဗွဲမပြဟ်ပြေဟ်ဂှ် ဂွံဆဵုကေတ်တုဲ တၟေၚ်တၟဟ် ဗွဲမလောန်ရ။
တၠအဝဵု မအုပ်ဓုပ်ကၠုၚ်လဝ် ပွိုၚ် (၅၀) သၞာံဂှ် ယအ်စှေ်ကၠုၚ်ရ။ ပ္ဍဲကဵုလက်ထက် သမတဥူတိၚ်သိၚ်ဏအ်ဂှ် အစဳအဇန်ပရေၚ်ပြံၚ်သၠာဲအိုဿီုတအ်ဂှ် ကိတ်ညဳမံၚ်ကဵု ဆန္ဒညးဍုၚ်ကွာန်တအ်ရ။ ဍုၚ်မွဲမွဲဟီုဂှ် စပ်ကဵုသ္ပစၟတ်သမ္တီ ကောန်ဍုၚ်တုဲ ဒးကယျာန်ဓဝါတ်ဒၟံၚ် ညးသကအ်လၟိုန်ရောၚ်။ ပ္ဍဲကဵုဍုၚ်မွဲမွဲ ပြသၞာသာ်ဏအ် နွံလၟိုန်ရ။ ဆဂး လၟုဟ်ဇကုတအ် မံၚ်တဴဒၟံၚ် ပ္ဍဲဍုၚ်ဏအ်တှ် တုပ်တဴညံၚ်ရဴ မံၚ်ဒၟံၚ် ပ္ဍဲကၟိန်ဍုၚ်မွဲရောၚ်။ ပ္ဍဲကဵုအမေရိကာန် ဟီုတှေ် ခရေတ်ယာန်ကီု၊ ဂျူကီု၊ မူသလေန်ကီု၊ ဗုဒ္ဓဘာသာကီု၊ ဟိန္ဒူကီု၊ နွံတဴရ။ ဍုၚ်ပိုဲဂှ် ညးမရှေ်သှေ်ဘာသာ ဟွံတုပ်သၟဟ်တအ် မံၚ်ဒၟံၚ်ညးသကအ် မွဲစွံရောၚ်။ လတူ ဟွံတုပ်သၟဟ်ညးသကအ်ဂှ် ပိုဲတအ် ဒက်ပတန်လဝ်ကဵုကၟိန်ဍုၚ် ပၠုပ်လဝ်လမျီု ကဵုဒဳမဝ်ကရေဇြဳတုဲ တ္ၚဲဏအ် ပိုဲတအ် ဍုၚ်ပိုဲတအ်ဂှ် သှေ်တဴဒၟံၚ်ရောၚ်။သာ်ဝွံ ဂွံတီကေတ်ရ။
Tuesday, November 13, 2012
ကောံဓရီုဂကောံ စေတနာပညာပါရမဳ (ကွာန်ဒါလာန်)
ပ္ဍဲကဵုစၟတ်တ္ၚဲ ၄-၁၁-၂၀၁၂ ဝွံ ကော်ကောံဓရီု ကောန်ဂကောံစေတနာပညာပါရမဳ မရနုက်ကဵု(၁၆) အလန်ဂွံတီကေတ်ရ ၊ ပ္ဍဲကဵုကောံဓရီုဝွံ လၟေၚ်သၞောဝ်ဂကောံကၠောန်ကၠုၚ်တုဲ နူကဵုဂကောံစေတနာပညာပါရမဳ ရန်တၟံလဝ်ဝွံ-
၁။ သွက်ဂွံထံက်ပၚ် အ္စာဘာ အ္စာၝောံဗ္တောန်လိက်မန်ပ္ဍဲကွာန်ပိုဲဂှ်မွဲ။
၂။ သွက်ဂွံထံက်ပၚ် ခမီသၚ် ပ္ဍဲကွာန်ပိုဲညးမကတ်လ္ၚတ်ပညာ လောကဳလောကုတ္တဵု ဂှ်မွဲ။
၃။ သွက်ဂွံလွဳၜံၚ်ပ္တိတ်ကောန်ၚာ်သၟတ် ပ္ဍဲကွာန်ပိုဲက္ဆံၚ်ပညာဂွံသၠုၚ်တိုန်အာ ဂှ်မွဲ။
ဥက္ကဌ-နာဲသက်သဳဟီုဂလာန်ဒၠောံဗ္တောန်ကောန်ဂကောံ တ္ၚဲဏံ ပိုဲသ္ပပေါဲကောံဓရီု ကၠုၚ်စိုပ်မရနုက်ကဵု (၁၆) အလန် ဏံဂွံဆဵုညာတ်ကေတ် ကောန်ဂကာံပိုဲ ကောံကလောံဗီုဗီုဏအ်ဂှ် မိပ်စိုတ်ဗွဲမလောန်ရ။ အာဂတနူဏအ် ညံၚ်ဂွံကောံကလောံဗီုဏံပၠနှ် ဂကောံတအ် ကေတ်ဓဝ်ညဳသာတုဲ ဆဝ်မ္ၚုဟ်အာအိုတ်ညိ မုဟိုတ်ရောဟီုတှ်ေ အကြာကြာပိုဲကၠုၚ်ကၠောန်စမံၚ် လ္တူဍုၚ်မလေဝ်ယှာဏံ ဍာ်ဓတ််ဍာ်ပလက်ပိုဲတိတ်မွဲထၞဟ်ညံၚ်ဟွံဂွံဒှ်အာ သၟးသၟး ညံၚ်ဂွံဒှ်ဂုဏ်ဖဵု သွက်ဇကုကီု သွက်ဂကူကီု သွက်ကောန်ဗွဲကြဴစောဗွဲဂတ မာန်ဂှ် ကောန်ဂကောံတအ်သီုဖအိုတ် ညးမွဲကဵုမွဲ လ္ပရပ်ဓဝ်မာနညိ ဓဝ်အတ္တဂှ်ယှအ် ဓဝ်ညဳသာဂှ်ကေတ်တုဲ ပိုဲတံၚ်တဲညဳညဳသာသာ ဂိုတ်ဂ္စာန်အာညံၚ်ဂွံစိုပ် တိုၚ်ပ္ကဴပိုဲ ရန်တၟအ်လဝ်အိုတ်ညိဂှ် မိပ်ဂွံဗ္တိုက်ဖအောဝ်ဏာရ သာ်ဝွံ ဥက္ကဌ-ဂကောံနာဲသက်သဳ ဟီဏါရ။ ပ္ဍဲလ္တုဍုၚ်မလေဝ်ယှာကောံဂကောံနွံ(၄၂) ဂကောံဝွံ ဂကောံစေတနာပညာပါရမဳလေဝ် ပါလုပ်မံၚ်ကီု သာ်ဝွံ ဂွံတီကေတ်ရ။
ဂကောံစေတနာပညာပါရမဳ ဝွံ ဒက်ပ္တန်လဝ် စၟတ်တ္ၚဲ 1.1.2009 တေံမၞိက်စၞးဂကောံမွဲတၠဟီုထ္ၜးရ။
၁။ သွက်ဂွံထံက်ပၚ် အ္စာဘာ အ္စာၝောံဗ္တောန်လိက်မန်ပ္ဍဲကွာန်ပိုဲဂှ်မွဲ။
၂။ သွက်ဂွံထံက်ပၚ် ခမီသၚ် ပ္ဍဲကွာန်ပိုဲညးမကတ်လ္ၚတ်ပညာ လောကဳလောကုတ္တဵု ဂှ်မွဲ။
၃။ သွက်ဂွံလွဳၜံၚ်ပ္တိတ်ကောန်ၚာ်သၟတ် ပ္ဍဲကွာန်ပိုဲက္ဆံၚ်ပညာဂွံသၠုၚ်တိုန်အာ ဂှ်မွဲ။
ဥက္ကဌ-နာဲသက်သဳဟီုဂလာန်ဒၠောံဗ္တောန်ကောန်ဂကောံ တ္ၚဲဏံ ပိုဲသ္ပပေါဲကောံဓရီု ကၠုၚ်စိုပ်မရနုက်ကဵု (၁၆) အလန် ဏံဂွံဆဵုညာတ်ကေတ် ကောန်ဂကာံပိုဲ ကောံကလောံဗီုဗီုဏအ်ဂှ် မိပ်စိုတ်ဗွဲမလောန်ရ။ အာဂတနူဏအ် ညံၚ်ဂွံကောံကလောံဗီုဏံပၠနှ် ဂကောံတအ် ကေတ်ဓဝ်ညဳသာတုဲ ဆဝ်မ္ၚုဟ်အာအိုတ်ညိ မုဟိုတ်ရောဟီုတှ်ေ အကြာကြာပိုဲကၠုၚ်ကၠောန်စမံၚ် လ္တူဍုၚ်မလေဝ်ယှာဏံ ဍာ်ဓတ််ဍာ်ပလက်ပိုဲတိတ်မွဲထၞဟ်ညံၚ်ဟွံဂွံဒှ်အာ သၟးသၟး ညံၚ်ဂွံဒှ်ဂုဏ်ဖဵု သွက်ဇကုကီု သွက်ဂကူကီု သွက်ကောန်ဗွဲကြဴစောဗွဲဂတ မာန်ဂှ် ကောန်ဂကောံတအ်သီုဖအိုတ် ညးမွဲကဵုမွဲ လ္ပရပ်ဓဝ်မာနညိ ဓဝ်အတ္တဂှ်ယှအ် ဓဝ်ညဳသာဂှ်ကေတ်တုဲ ပိုဲတံၚ်တဲညဳညဳသာသာ ဂိုတ်ဂ္စာန်အာညံၚ်ဂွံစိုပ် တိုၚ်ပ္ကဴပိုဲ ရန်တၟအ်လဝ်အိုတ်ညိဂှ် မိပ်ဂွံဗ္တိုက်ဖအောဝ်ဏာရ သာ်ဝွံ ဥက္ကဌ-ဂကောံနာဲသက်သဳ ဟီဏါရ။ ပ္ဍဲလ္တုဍုၚ်မလေဝ်ယှာကောံဂကောံနွံ(၄၂) ဂကောံဝွံ ဂကောံစေတနာပညာပါရမဳလေဝ် ပါလုပ်မံၚ်ကီု သာ်ဝွံ ဂွံတီကေတ်ရ။
ဂကောံစေတနာပညာပါရမဳ ဝွံ ဒက်ပ္တန်လဝ် စၟတ်တ္ၚဲ 1.1.2009 တေံမၞိက်စၞးဂကောံမွဲတၠဟီုထ္ၜးရ။
Sunday, November 11, 2012
ပၟတ်ဖဴယာဲၜံၚ် ကလေၚ်ရံၚ်ကဵုညာတ်
"ကၠောန်ကမၠောန်ဂကောံမ္ဂး အဃောကၠောန်ကမၠောန်လ္ပသုၚ်အရက်ညိ၊ တုဲတှ်ေလ္ပကဵုဖျုန်ကဵုကိစ္စညးဗြဴညိ၊၊ ကၠောန်ကမၠောန်အာစိုပ်ဒတုဲမ္ဂး သောၚ်စရၚ်ချိုတ်တ်ပၠိုတ်တ်ညိ" ဂလာန်ရဴဝွံအပ္ဍဲပေါဲဟီုတွံ ပရေၚ်လိက်မန်ဂှ် အ္စာကၞေဟ်လေဝ်ဒှ်၊ အ္စာဝၚ်လေဝ်ဒှ် နာဲမၞိက်ၜို်ပ်(ကော်)နာဲမိုၚ်တိုဝ် ဟီုဏါရ၊၊ သ္ဘၚ်ပေါဲဟီုတွံ ပရေၚ်လိက်ပတ်မန်ဝွံ ကၠောန်ဗဒှ်အလန်ပထမ လ္တူဍုၚ် ကွာလာလာမ်ပူ ကၠောန်ဗဒှ်ဒၞာဲၝောံခန် (Chinese Assembly Hall) အပ္ဍဲစၟတ်တ္ၚဲ (၂၈) ဂိတုအံက်တဝ်ဗါ သၞာံ ၂၀၁၂ လဒေါဝ်တ္ၚဲ (၁၂:၂၈) ဂှ်စဵုကဵုစိုပ် သဝ်တ္ၚဲ (၆:၀၀) နာဍဳရ။ ညးဆာန်လိက်ပတ် သၟာကမၠောန်ဂကူမန် (၄၀၀) တၠပြၚ်တိုန်စိုပ်ကၠုၚ်ရ။ "ပၟတ်ဖဴယာဲၜံၚ် ကလေၚ်ကဵုရံၚ်ကဵုညာတ်" ဗီုဂလာန်အရေဝ်တမၠာဟီု ကောန်ဂကူမန်ပိုဲကၠောန်ပရေၚ်ပိုန်ဒြပ် ကလိဂွံပိုန်ဒြပ်တုဲ ဒးလေၚ်စဴမိတိမရောၚ် ပ္ဍဲဍုၚ်မိတိမတေံ ဂကူဗၟာအညာကောံလုပ်ကၠောန်ကမၠောန် အပ္ဍဲဍုၚ်မန်ဂၠိုၚ်တိုန်ဒၟံၚ်ဇၟာပ်သၞာံရောၚ် ဟိုတ်ဂှ်ရ လ္ပဝိုတ်ဌာန်တိုပ်သုက်ဇကုညိ" ရဴဝွံနာဲမၞိက်ၜိုပ် ကသေအ်ကၟဝ်ဒၟံၚ်ဂကူမန်တအ်ရ။ အ္စာမၞိက်ၜိုပ် ဟီုတွံတုဲ မွဲအဆက်ဂှ် နာဲဗညာသာန် ကေုာံ အ္စာဇၞူမန် အဆက်က်ဟီုတွံလဝ်ရောၚ် ဂွံတီကေတ်ရ။Monday, November 5, 2012
သ္ဘၚ်ဟီုတွံဘာမန်ကဠၚ်
က္ဍိုပ်သ္ကိုပ်မန်ၜါတၠ ဆက်ဟီုတွံ ပ္ဍဲကဵုဘာမန်ကဠၚ်
ပ္ဍဲကဵုစၟတ်တ္ၚဲ = 4 - 11 - 2012 ဂှ် အစီဇန်ဟီုတွံပရေၚ်လိက်ပတ်မန် ပ္ဍဲတရဴမလေပ်ယှာဏံ ကၠောန်သ္ပဏာ သ္ဘၚ်လက္ကရဴအိုတ်
ပ္ဍဲကဵုဘာမန်ရာမညနိကာယ ပ္ဍဲကဵုဒေသကဠၚ်တေံရောၚ် ပ္ဍဲအစီအဇန်ဟီုတွံ နာဲမၞိက်ၜိုပ် ကေုာံ နာဲဇၞူမန်တံ
ဟီုတွံဏာ သွက်မန်ဟီုဂှ် သာ်ဝွံ ဒၠောံဗ္တောန်ဏာရ လညာတ်သာ်ဂှ် ဂကူပိုဲ ထေက်ကဵုဒးသ္ပသမ္တီ
အလုံကောန်ဂကူမန် မဒု်ကြက်အရေဝ်ကီုတုဲ ပိုဲဒးသီဂိုၚ်
ဗွဲမဇြိုဟ်နက်ရောၚ် သ္ပဟိုတ်သာ်လဵုဟီုတှ်ေ ဗီုအ္စာဇၞူမန်
မဟီုတွံဏာအရေဝ် ( သွက်မန်ဟီုဂှ် - မန်ဟေၚ်ရ ဒးပတိတ်ဆီပဠက်အရာၚ် )
( သွက်မန်ဟီုဂှ် - မန်ဟေၚ်ရ ဒးဂံၚ်ပ္တဝ်က္ဍိုပ်ရောၚ် )
(သွက်မန်ဟီုဂှ် - မန်ဟေၚ်ရ ဒးပံၚ်လမျီုရောၚ် ) ဂှ်
အရေဝ်ဗီု (အ္စာဇၞူမန်) မဟီုတွံလဝ်တံကီုရ - တုဲပၠန် ဗီု (အ္စာမၞိက်ၜိုပ်) မဟီုတွံလဝ် ပရောပရာ
လိတ်တၟံ၊၀ၚ်မန်၊ကပေါတ်တြေံ၊ တံဂှ်ကီုလေဝ် ထေက်ကဵုဒးဒှ်သက်သဳ သွက်ကောန်ဂကူမန်
မွဲကဏ္ဍအရာၚ်ဂှ် ပိုဲကောန်ဂကူတံ ဒးသ္ပသမ္တီ ဗွဲမဇြိုဟ်နက်ဟေၚ်ရ
မဒးဒှ်ကြက်အရေဝ်အလုံကောန်ဂကူမန်ထေက်ရောၚ်။
